طريقة تركيب طابلوه جولف 3 في جولف 2

 تسقيط طابلوه جولف 3 فيى جولف 2 بالطريقه الثالثه زي ماشرحنا في البوست السابق

الاول احنا محتاجين

1- طابوه كامل 2- ادراج تحت الطابلوه يمين وشمال

3- ضفيره الطابلوه 4- كنسول 5- شاسيه الطابلوه الحديد

الادوات المستخدمه

1- مفاتيح 10 -13-17 -24-

2- بيبه 10 -13 -8

3- شنيور وبنطه 6- 8 حدادى

4- صاروخ 5 بوصه

5- ماكينه لحام كهرباء عند الحداد

6- مكفات عاده وصليبه طويل وقصير

7- مقص وصفيحه منشار

8- متر قياس وقلم رصاص وكرتونه نعملها شبلونه

9- طرابيزه كبيره تشيل الطابلوه

.

.

.

هنقسم الشغل الي

شغل اساسي

وده شغل تركيب الطابلوه وتثبيته وتركيب القطمه

شغل اختياري

لو حضرتك مركب كويل تكييف عشان في تعديلات

.

.

الاول شغل الشاسيه...نركز جدا في الكلام ده لانه اساس الشغل اللي مبني عليه كفائه وشكل الطابلوه

ا- هنجيب 4 خوص حديد بالابعاد الاتيه من عند الحداد

خوصتين بابعاد

طول الخوصه بالكامل 14 سم وسمك 2مم

ابعاد الاخرام ......من بدايه الخوصه سيب 1.5سم وافحر الخرم الاساسي .....ومن منتصف الخرم الاساسي ال الخرم الثاني 9 سم ....ومن منصف الخرم الاساسى الي الثالث 11 سم

يعني خرمين هيركبو قي الشاسيه والخرم الاساسي في قائم العربيه ...مش تقلق هنيجي لطريقه التثبيت بعدين

..

الخوصتين الثانيتين

طول الخوصه بالكامل 10 سم وسمك 2مم

ابعاد الاخرام..... من بدايه الخوصه سيب 1.5سم وافحر الخرم الاساسي .....ومن منتصف الخرم الاساسي ال الخرم الثاني 6.5 سم

يعني خرمين هيركبو قي الشاسيه والخرم الاساسي في قائم العربيه

...

ب- طبعا هنفك طابلوه 2 بالكامل والعداد والطاره وما شابه وهنبعد كل الضفيره عن موقع الشغل

......

ج- هنقطع حواف الشاسيه الحديد من الجنبين اللي هم شكل حرف "L" بالصاروخ

....

د- نروح للعربيه نضع الشاسيه تحت دعامتين الطابلوه القديم لاننا هنستخدم اخرامهم

..

ه- نركب الخوصه ال 10 سم الخرم الاساسي في الدعامه ونركب الخوصه ال 14سم الخرم الاساسي في المسمار الداخلي الموجود في قائم العربيه وطبعا الجنب الاخر نفس الطريقه

....

و- نضع الشاسيه الحديد بحيث يكون علي اطراف قائم العربيه والمسافه بينه وبين الدعامه حوالي 2 سم ....ونعلم مكان الاخرام في الشاسيه

.....

ز- نخرم اماكن الاخرام بالشنيور ثم نثبت الشاسيه في العربيه بمسامير 10 وربط جامد

.....

ر- للتاكد من ثبات الشاسيه ...قوم قف علي برجلك ووزنك كله لو اتحرك ملي واحد يبقي في حاجه عندك غلط

...............................................................

نيجي يقي لتركيب الطابلوه

الاول جيب كرتونه طويله بطول الطابلوه القديم... حط الطابلوه علي ضهره على الكرتونه وبقلم رصاص وامشي مع دائر الطابلوه ..... شيل الطابلوه وبالمقص قص الكرتونه ويبقي كده عملت شبلونه دائر الطابلوه .....نحط الشبلونه علي الطابلوه الجديد ونعلم وبالصاروخ نقطع ....وبكده يبقي عملنا دائر الطابلوه 3 عشان يركب علي العربيه مظبوط وحضرتك هتلاقيك قاطع 1.5سم ومعني كده الطابلوه بات لجوه المسافه ديه ....وده اللي بيخليه مش يزيق او يصدر اصوات

ثانيا....هنقلب الطابلوه علي ضهره وهنشيل كل الدعامات البلاستيك بالصاروخ وكل الزيادات واماكن تثبيته في الصدر وهتشيل برده علبه مسار الهواء بتاعت هوايه الزجاج عشان الطابلوه يبات صح علي مكانه وهتلاقي الكلام ده في الصور

......

ثالثا.... نشيل جلد القوائم من العربيه ونبعده ونفك القطمه وننزلها علي الشاسيه ونفك دعامه القطمه اللي متثبته بمسامير 13 ونفضي المكان لدوخول الطابلوه

..........

رابعا.... احنا لسه لغايه دلوقتي مش قطعنا في اجناب الطابلوه وده لان نقطع نصف سم واحده واحده كل ما ندخل الطابلوه وناخد علام

يعني حضرتك تدخل الطابلوه وتاخد علامه علي الاجناب وتقطع نصف سنتي من كل جنب في كل مره لغايه لما الطابلوه يبات في مكانه المظبوط وهتلاقي الطابلوه اماكن تثبيته علي الشاسيه تطابقت وبالتالي ممكن تربطه في الشاسيه

.....

خامسا .... اعمل حساب القوائم البلاستيك في حفر الطابلوه عشان تركب واهم حاجه متخليش الطابلوه مش مفارق من تحت ...وركب الكنسول كتاكد ان كل حاجه سليمه

...............................تثبيت القطمه....................

حضرتك زي ما انت عارف ان هنقطع في القطمه وديه الطريقه اللي هشرحها اما في طريقه تانيه انك تجيب قطمه جولف 3 وبدالات 3 وطبعا سيرفو وكلام ده مكلف....المهم

اولا ..... القطمه عندك تثبتها بدعامتين عندك علي شكل رقم سبعه V مهمتنا اننا نقلب رقم سبعه الي ثمانيه ونقصرها

......

ثانيا.... وانت مركب الطابلوه هات القطمه في منتصف فتحه جمجمه الطابلوه عشان لما تيجي بعد كده تركب فبره الجمجمه تركب مظبوط

........

ثالثا... ركب الجزء العلوي من الجمجمه علي القطمه وارفع القطمه لاقصى ارتفاع وخد مقاس بين ااشاسيه والقطمه وهتلقيه حوالى5سم

.......

رابعا.... روح لحداد اقطع حرف السبعه واقلبه وثبت المسمارين ثم الحمه في القطمه بالمقاس اللي انت خدته ......خلي بالك وانت بتلحم اوعي القطمه تلف لان لو لفت زراعات الاشاره والمساحات هتلقيهم مايلين مش في النص

..... بوص للصوره وذاكرها كويس قبل الشغل في القطمه......

كده خلصنا الشغل الاساسى....نقول بقس الشغل الاختياري

حضرتك لو هتركب تكييف هتعمل

1- تجيب موزع هواء بتاع تلاجه 3 او كويل السخان وده موزع بيوجه الهواء من التلاجه الي لبطابلوه

2- هتكسح مواسير الهواء يمين وشمال لانهم كبار وهتسخن عليهم بهوت اير

3- او لو مش هتعرف تكسح الموسير ممكن تستخدم مواسير فلكسبل 2 بوصه تجبها من باب اللوق

4- تقطع درج الطابلوه عشان يركب يعني هتقصره شويه

5- وهتقطع الدرج اللي تحت عشان التلاجه

6- اقفل مسار الهواء في اتجاه الهوايه بتاعت الزجاج لاننا قطعناها اصلا

7- وصل ويرات اتجاه الهواء بالوحده الجديده في الطابلوه

حل مشكله المرايات

فك صاموله ربط زراع المرايات وزقه لجوه وابقي اظبط المرايا بايدك او استخدم مرايات كهرباء وديه نادره وغاليه

...................

#جراج_الجمع

#عنتر